وصفة تخلي الشعر رطب

من طرف **Admin** الإثنين يوليو 28, 2008 6:34 am

خوتي واحد الوصفة دارت بوم عندنا في العائلة ولا كلشي مبلي بيها وتقريبا الاغلبة جربها وانا في الطريق انشاءلله حيت بصحتي صيبت بروشينك حتى يسلى المفعول ديالو ههههه ولكن انا سمعت على ان هاد الوصفة بلا متحتجي لا بروشينك ولا ترطيبة وربي شاهد على كلام وحدة من العائلة اللي عطاتنا الوصفة حيت شعرها كان حرش وولا غزال دبا غير بيها
طولت عليكم ياك
اوكي انا نقوليكم يمكنلك تخلي هاد الوفة زيت الشعر ديالك بحيت في اي وقت يمكنلك تستعمليها ومنين تكوني غادة الحمام تشققي بيها شعرك مزيان وانا ختي درتها لاول مرة لبارح وحست بتحسن في شعرا فمابلك الا كانت دايما على العموم هاهي الوصفة
زنجلان
زريعة الكتان
زيت الرومية
الطريقة
كتشدي كل من زنجلان وزريعة الكتان وتحمصيهم وطحنيهم ومن بعد شديهم وطبخيهم في شي كسرونة مزيان مع الزيت ومن بعد ديريها فقريعة وخليها شي يوم او يومين حتى تحسي بتخت نزل التحت وبداي تستعملي الزيت
ايوا يلا نتحداو الشينوا ويولي كلشي شعرو رطب